30 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка робіць рабочую паездку ў Брэст, дзе наведвае электралямпавы завод, перадае карэспандэнт БЕЛТА.
Кіраўнік дзяржавы заслухаў даклад аб стане і перспектывах развіцця прадпрыемства, якое ўваходзіць у склад холдынга "Гарызонт". Размова зайшла аб такой прадукцыі прадпрыемства, як лямпы напальвання, якія ўжо не запатрабаваны. У сувязі з гэтым Прэзідэнт выказаўся аб неабходнасці зрабіць упор на святлодыёдных лямпах.
"Лямпачка нам патрэбна святлодыёдная. Чаму не ўкладвацца сюды, дзе ёсць школа і кампетэнцыі? - задаў слушнае пытанне Прэзідэнт. - Трэба ва ўрадзе ўзяць крэн на развіццё таго, што мы ўмеем".
Брэсцкі электралямпавы завод быў заснаваны ў 1966 годзе. Цяпер прадпрыемства з'яўляецца буйнейшым айчынным вытворцам святлотэхнічнай прадукцыі і крыніц святла. Завод спецыялізуецца на выпуску лямпаў агульнага прызначэння, аўтамабільных, спецыяльных, кварцавых галагенных і іншых лямп.
У 2026 годзе Брэсцкі электралямпавы завод пачаў рэалізацыю комплекснай праграмы мадэрнізацыі і канцэнтрацыі вытворчых магутнасцей. Гэта дасць магчымасць стварыць сучасную высокатэхналагічную вытворчасць, павысіць якасць і канкурэнтаздольнасць выпускаемай прадукцыі, а таксама знізіць яе сабекошт.-0-
