Паважаныя землякі, жыхары старэйшага пакалення!
Ад душы віншуем вас з Днём пажылых людзей!
Гэта цудоўнае свята чалавечай мудрасці,
грамадзянскай сталасці, душэўнай шчодрасці – якасцяў, якімі надзелена старэйшае пакаленне. Вы – наша
апора, скарбніца вопыту, ведаў і мудрасці. За вашымі плячыма доўгае жыццё, вы
ўяўляеце сабой сувязь часоў і пакаленняў. Вашы веды і найбагацейшы вопыт
асабліва важныя ў сучасных умовах, калі разам з ініцыятывай маладых патрабуецца
жыццёвая мудрасць старэйшых. Ваша неабыякавая жыццёвая пазіцыя, сумленнае
стаўленне да працы і сапраўдная любоў да роднай зямлі – гэта ўзор для ўсіх
пакаленняў. Менавіта ў вас мы вучымся патрыятызму, уменню захоўваць аптымізм,
да вас прыходзім па параду ў цяжкую хвіліну.
Прыміце шчырыя словы падзякі за гады
плённай нястомнай працы на карысць Іванаўскага раёна, за ўклад у яго развіццё,
уменне годна жыць і працаваць, быць для ўсіх нас прыкладам. Нізкі паклон вам за актыўную грамадзянскую і жыццёвую
пазіцыю.
Ад усёй душы жадаем вам моцнага здароўя, даўгалецця, дабрабыту і бадзёрасці духу! Няхай у вашых дамах пануюць мір, спакой і шчасце!
Іванаўскі
раённы выканаўчы камітэт
Іванаўскі раённы Савет дэпутатаў
