Паважаныя работнікі сістэмы сацыяльнай
абароны!
Прыміце шчырыя віншаванні з прафесійным
святам - Днём работнікаў сацыяльнай абароны!
Сфера сацыяльнай абароны - адзін з
прыярытэтных напрамкаў дзяржаўнай сацыяльнай палітыкі нашай краіны. Дзейнасць
службы звязана з інтарэсамі кожнага чалавека, кожнай сям'і і з'яўляецца адным з
найбольш складаных і шматгранных складнікаў жыцця сучаснага грамадства.
Вы першымі прыходзіце на дапамогу людзям,
якія апынуліся ў цяжкай жыццёвай сітуацыі. Ваша прафесія, звязаная з інтарэсамі
кожнага чалавека і кожнай сям'і, закліканая ўносіць у жыццё людзей дабро і
міласэрнасць, патрабуе выключна добрасумленнага стаўлення да справы, вялізнага
цярпення, умення суперажываць і захоўваць веру ў ідэалы дабра і справядлівасці.
Выказваем падзяку за вашу працу, чуласць і
ўвагу да лёсаў людзей, якім неабходная дапамога і сацыяльная абарона. Ваша
праца заслугоўвае ўсеагульнага прызнання, а дзякуючы намаганням жыццё многіх
людзей напаўняецца сэнсам і знаходзіць надзею.
Жадаем усім моцнага здароўя, шчасця, міру, дабрабыту!
Іванаўскі раённы выканаўчы камітэт
Іванаўскі раённы Савет дэпутатаў
